由杜汶澤任主持的奇妙電視節目《杜汶澤食住上》，首集邀請鄧麗欣（Stephy）擔任嘉賓，阿澤發揮「把口唔收」性格。提到Stephy與導演葉念琛合作無間，阿澤一口咬定葉導演曾想追求Stephy，Stephy即澄清：「佢邊敢追我？講笑啫﹗呢啲係世人偏見，可能佢覺得我好好拍，真係無追過我，我哋喺拍攝現場好少傾偈。」
2人談及同居問題，Stephy表示從未試過與男友同居：「未結婚都未認定嗰個人，唔會同佢住。」阿澤驚訝表示：「你呢個諗法好怪﹗我以前拍親拖一定同居，有啲同咗居先拍拖，所以我結過2次婚，你就仲未嫁。」Stephy即問阿澤以前一腳踏幾船的感受，阿澤笑言：「忙囉﹗」
