徐濠縈為經理人兼好友鄭紹康，亮相奇妙電視《天下第一Friend》訪問，阿徐和陳奕迅（Eason）婚後育有一女，但2人屢傳婚變，甚至婆媳不和，阿徐淡然表示：「成日話我哋分手﹑離婚，慣晒啦﹗咪由得人哋講囉，時間係最好嘅證明，即管放長雙眼。」
有傳她嫁給Eason時，曾遭陳家反對，即時嫁給Eason後，婆媳關係仍然惡劣？阿徐說：「我哋結婚時，米已成炊，包包（囡囡）都已經歲幾，仲反對？我同奶奶關係好好，佢成日買小禮物畀我。」
有傳阿徐和Eason不和，主因是阿徐「大花筒」，阿徐風趣表示：「咁要問陳奕迅啦﹗其實我又唔鍾意買珠寶，又唔買名車，如果以強中弱來界定大花筒，我只係適中囉﹗可能佢仲大使過我。」
