【明報專訊】Twins前日「520」（我愛你）的日子到廣州舉行巡迴演唱會，慶祝成軍16年。蔡卓妍（阿Sa）與鍾欣潼（阿嬌）見到歌迷反應熱烈，開心又感動，唱《相愛六年》時感觸落淚，希望日後還可以有無數的16年。
阿Sa與阿嬌多次被萬人大合唱感動，阿Sa在台上說﹕「阿嬌，我識咗你17年啦！大家一齊工作就16年，多謝你一直以來陪伴我，我愛你。」阿嬌忍着淚對阿Sa說﹕「你改變咗我好多，由我唔鍾意彩色，由鍾意黑色變到個人生愈來愈彩色，愈來愈開心。由唔鍾意講嘢，變到講多咗好多嘢，愈來愈笑多咗。講真㗎，我真係好愛妳，好愛！」阿Sa回應說﹕「好啦！希望我哋繼續有無數咁多個16年、26年、36年……。」之後歌迷大叫咀嘴，兩人即時在台上親吻，全場歌迷興奮瘋狂尖叫。
由於香港很多歌迷想她們再返港開騷，她們正嘗試入紙紅館，看看2018年5月能否再返紅館舉行演唱會。
