TVB呢期最紅《不懂撒嬌的女人》，Saving(王浩信)與游生(袁文傑)人氣勁，剛剛宣布TVB取得《英格蘭足總盃決賽》—阿仙奴對車路士之香港區獨家播映權，安排於週六（27日）晚深夜12時05分於翡翠台直播。搵邊個做宣傳最好?當然抽水抽到盡要Saving與游生出馬。他們在《撒嬌》有一幕向《創世紀》致敬， Saving許文彪上身，狂吼:「呢個世界公平咩!」；播映時掀網民討論。
這片段循環再用作為這場波谷的電視宣傳，片段再配音，游生指Saving問:「星期六場波嘅Signal你收唔到咩Signal Wong?」Saving就話:「我安份守己，每月準時畀月費，但話唔播就唔播...咁公平咩?」最後一句最抵死:「TVB有呀!傻仔!」
球迷知道TVB直播的消息好興奮，袁文傑是頭號阿仙奴球迷，網民急召喚袁文傑，要求由他擔任主持；不少人留言希望TVB高層看到球迷的要求!
