蕭正楠與黃翠如這對情侶不時網上放閃，可謂Sweet爆，更被網民一致睇好。蕭正楠近日身處橫店拍攝無綫重頭古裝劇《深宮計》，又熱又辛苦，日日在IG數住橫店第幾日，而女友翠如BB就在香港拍緊時裝劇《溏心風暴3》，估計有排都無得見面。想唔到今日中午時間，蕭正楠突然在IG上載翠如BB自拍照，仲留言話「橫店第十一日！尋人啟事，好重酬！」，原來翠如BB上去橫店探班，蕭正楠不用Dry咁多日﹗
至於翠如BB究竟去咗邊度，她原來去了玩，相隔幾個鐘頭終於蒲頭，並在自己IG留言回覆男友：「Sorry太認真去玩，消失左一陣，報到。」呢對情侶真的好搞笑﹗
