【今日直撃】苟芸慧（苟姑娘）今日（11號）34歲正日生日，開心將寶貴時間分給好朋友王君馨，擔任對方婚宴的姊妹團。問到有否羨慕好姊妹結婚？苟姑娘說：「都好羨慕，佢哋好Sweet，加上咁多好朋友在場，成個環境好開心。（幾時輪到你結婚？）嫁咗啲姊妹先再到我。（好姊妹已嫁得七七八八？）仲有其他國際中華小姐朋友，她們現在不是圈中人。（自己想押到最後？）因為她們同我講了婚期，我一定要出席先。」
苟姑娘與男友陸漢洋正熱戀中，問到今年生日願望是否想快些結婚時，苟姑娘即甜爆表示：「唔係，唔係生日願望。（有什麼生日願望？）當然希望可以有個Sweet婚禮，大家可以開開心心。」苟姑娘指男友今日不會出席婚宴，因有工作在身。問她如何慶祝生日？苟姑娘又再甜笑說：「婚宴完結後會去慶祝，留返時間給他﹗」
