組合「農夫」的陸永、C君近年主力為無綫拍劇、拍攝旅遊節目、跟Do姐（鄭裕玲）去Shopping。闊別樂壇多年，2人終於決定回歸舞台，於11月假麥花臣場館舉行演唱會﹗他們在社交網站自嘲這幾年做了很多音樂以外的工作，才能維持到做音樂這個嗜好，才可開到今次的演唱會。
農夫說︰「各位知音老死同伴，農夫將會喺11月開演唱會，確實呢幾年做音樂因為科技嘅進步，製作係易咗，又因為市場嘅退步，搵食係難咗。所以一如我哋所講，農夫必需要做好多音樂以外嘅工作先能夠維持做音樂呢個嗜好。而（依）家，儲咗七年，我哋終於儲夠錢開演唱會！但係，我哋點儲都唔會夠錢買紅隧東隧西隧口廣告，所以我哋只有網絡呢個宣傳渠道，如果你咁啱係農夫嘅樂迷/親戚朋友，又咁啱想同你嘅親戚朋友一齊睇我哋演唱會，咁就幫手share話俾（畀）人知農夫11月開show！」
