昨晚播映的《踩過界》李佳芯(Ali)飾演的「王官」出招姣盲俠(王浩信)，睇到一眾宅男好肉緊，被Ali BB迷到暈得一陣陣，女神之名果然名不虛傳。劇中送Ali美腿，她坐壁球場看盲俠打波有大特寫，加埋靚樣甜笑，無得輸!有網民留言:「Ali BB頭先壁球室個姿勢真係好有自信好有魅力，最吸引人...」有人和應:「一向都係女神!」、「Ali愈睇愈靚」。
陳庭欣出場都靚爆鏡，穿短裙仔打網球騷長腿也不輸蝕。不過，睇劇透或預告大家也知道她演跨性別人士，在更衣室一幕被揭發是男兒身，將男人身Key陳庭欣的樣子，又幾逼真!GoGo(張振朗)原本想追求對方，知道他是男兒身便嫌疑對方，說:「貴妃雞變啫啫雞...」粗俗得嚟但幾好笑!監製也讓張振朗男扮女裝的體驗，他看粵語長片時熒幕出現女裝GoGo，好抵死呢!
