【今日直撃】人稱「Neway大少」薛世恒（Daniel）今日首次以藝人身分出席香港活動，現身瑞士天梭表位於銅鑼灣的新店開幕禮，同場更有周柏豪及岑杏賢。
薛世恒（Daniel）樣貌被指酷似袁偉豪（Ben），剛巧袁偉豪前度女友岑杏賢又同場，由昔日最親密的人作比較自然最好。岑杏賢說：「都似樣，但我認識Daniel已4年時間，唔覺得好突然，已睇慣兩個，已經唔覺得似，分得好清楚，就算以前拍拖都分得好清楚﹗」Daniel亦話早年大家扮鬼扮馬去萬聖節，惟獨是岑杏賢分得最清。
提到以40歲之齡入行，怕否被嘲是「最老新人」？Daniel說：「睇我個樣唔老，又唔似好老就得，亦唔會介意，每個男士唔同年紀有唔同魅力﹗（有無機會同舊愛陳法拉合作？）作為幕前、演員不應該有太多規限，不過自己不方便提法拉太多。（若果同弟婦諸葛紫岐合作？）她是屋企人，答案都是一樣，無理由規限自己。」
