手機廣告被嘲似跳大媽舞 唐詩詠:可以令大家開心都好 (15:45)

文章日期:2017年08月04日

唐詩詠最近為手機品牌拍攝廣告,賣自拍功能。廣告中,詩詠穿著粉紅裙仔,可愛表情多多,笑容甜美。不過,廣告拍攝手法卻惹來負評,網民指老土、內地味濃,詩詠rap到如數白欖、念口簧,如:「美顏夠聰明,皮膚閃令令」、「分到男女先叫醒,男友唔使變蛇精」;舞蹈動作又生硬,被笑似「廣場大媽舞」。網民留言笑問詩詠:「得罪咗邊個?咁大整蠱!」

雖然負評不斷,詩詠仍落力在facebook推介,說:「自拍加跳舞加freestyle都係第一次,盡晒力喇!啲口訣好入腦,短片睇到最後,大家就會發現,原來識得欣賞自己愛自己,就會有驚喜。」詩詠回覆《明報》說:「我盡力去做o架喇!如果可以令到大家開心都好吖!」

(即時娛樂)