李克勤惡搞「你係邊個」 巫啟賢扮「蒙面歌王」

文章日期:2017年09月07日

【明報專訊】李克勤前晚舉行第3場紅館演唱會,嘉賓是好友巫啟賢。巫啟賢之前在克勤參加的內地歌唱節目《蒙面歌王》擔任評審,今次他大爆當日不認得克勤之謎!

巫啟賢特別戴白色面具上台,克勤扮不認識問:「你係邊個呀?我都唔認得你?」之後要巫啟賢解釋為什麼那時在節目上「唔認得李克勤」?巫啟賢抵死說:「你化咗灰我都認得你啦!但咁難得見到你,有乜理由踢爆你,要你走?起碼畀你唱多2、3場,賺多啲人仔(人民幣)先。」克勤笑說:「係呀!舊年屋企去旅行,交書簿費都係靠你。」巫啟賢又笑指華人歌壇中,能唱到80歲的人不多,他心目中只有4個人:「這4個人分別係張學友、陳奕迅、巫啟賢……」 他未講完,克勤已搶着問: 「咁點,第4個位,係咪要我同阿倫(譚詠麟)爭? 」巫啟賢鬼馬表示:「阿倫唱唔到80歲啦!因為佢年年25歲,所以最後一個可以唱到80歲,一定係你,李克勤!」

娛樂組

■更多娛樂猛料 ﹕ol.mingpao.com

相關字詞﹕每日明報-娛樂