Celine（譚芷昀）於《全美一叮》準決賽獻唱迪士尼動畫《魔海奇緣》主題曲《How Far I'll Go》，被其中一位評判Mel B彈揀錯歌似唱歌劇，而她最終被淘汰出局。
黃秋生在大會宣布Celine落敗前，已在社交網站預言她會輸。他留言讚Celine唱得好好，沒有賣弄高、長音，是人聲。只是面對勁敵Angelica Hale及腹語妹妹Darci Lynne，覺得Celine不會贏。他說：「因為其他兩個都唔係人咁品，係外星人。個肥妹仔把聲好似人工智能咁，鍾意點就點，而且自由奔放，美國特色。腹語嗰個仲勁，笑笑口都唱得咁好，外星人！外星人！無啦！希望Celine 將來可以繼續喺歌唱藝術中進修，唔好浪費咁好天份，畢竟《全美一叮》唔係《全世界一叮》。」他最後結語：「如果Celine係架法拉利，肥妹就係架噴射機。要比喜好無得比，要比速度差幾皮。」
郭偉亮曾批評Celine唱得老積，欠感情，似唱歌機械人。今晚他出席活動，對於Celine被淘汰出局，他認為Celine有天份及實力，參賽已獲得很好的經驗，希望她繼續努力，及多點童真。
