電影《追龍》主角甄子丹及監製王晶日前接受傳媒訪問，大談由籌備到拍攝該片的感受。甄子丹戲中飾演香港人熟悉的黑道人物「跛豪」，他說：「接演前猶疑了幾個月，已拍了幾十年動作片，都想尋求突破，自我提升，嘗試不同角色，但經營了葉問和好多角色，自己又是Family Man，拍戲理念是想傳遞正能量，所以我好矛盾。」王晶指今次睇中甄子丹是好打之人，由「葉問」變「跛豪」反差好大，戲中伙拍劉德華（飾演雷洛）會是新配搭，相信能帶出新鮮感。
甄子丹大讚呂良偉當年增肥40磅拍《跛豪》夠經典，因而感到壓力，跟王晶商量後，才揣摩到演繹方向，「我跟老師學了幾個月潮州話，電影公司又請了荷里活特技化妝師，塑造鼻樑歪、厚嘴造型，交代跛豪打交好多戰跡，拍攝時著對鞋扮一拐一拐行路，影響腳趾舊患，拍完真的要開刀動手術，用了拐仗四個月。」子丹更自爆角色抑鬱又火爆，每天收工靠落妝忘記角色，擔心回家後用錯語氣跟老婆說話會捱鬧。
