曾華倩今日被網民大爆昨日在機場「發爛渣」，因為唔見銀包與機場職員吵罵。曾華倩今日接受《明報》查詢時，她無奈表示：「都唔好明白，又會再搵番出來講，其實昨晚陪阿仔去機場Check in，他要出去參加游泳比賽，我順手將自己銀包放入他的背包，送阿仔入閘就同朋友去飲茶，當15分鐘後想畀錢埋單便發現唔見銀包，於是打畀阿仔求證，經確認就一心去航空公司櫃位訊問，完全是人之常情，亦當然不會好平靜，心急飛機時間唔會等人，但櫃位那位高級女職員態度非常不好，令人想起劉德華的金句『今日今日咁嘅服務態度唔得』，對方只是話入閘後的東西不可以拿回，沒有辦法的，除非叫你個仔取消機票出閘﹗」
曾華倩指當時實在太心急，而對方態度亦有問題，相反海關及警員就好得多，會詳細解釋原因是安檢問題，但對方卻不作解釋。華倩笑說：「惟有同阿仔講，我這幾日無錢用，那些錢跟他。無辦法下都會接受事實，覺得不需要任何人去質疑、定斷我的為人，大家知道我是什麼人，自己用慈悲之心原諒對方，希望她下次不要用這個態度對任何人。」
