【追龍首映】劉德華獲驚喜賀壽 公開食相 (23:52)

文章日期:2017年09月25日

【今晚直撃】劉德華(華仔)、甄子丹、周麗淇、黃日華及湯鎮業等,今晚出席電影《追龍》首映。眾人即場為華仔預祝本月27日56歲生日,並跟圍觀的粉絲一齊大合唱生日歌。鮮有公開食相的華仔,當眾「表演」吃壽桃。

正日生日華仔如何度過?華仔表示:「無特別,通常和家人食飯!(會否出外旅行?)近年較少!」提到Fans Club的生日聚會上,太太朱麗倩與囡囡的片段被偷拍,華仔說:「實會發生,次次梗會有臥底,不過都是開心事!(分享受傷時囡囡抹腳?很感動?)大家都睇到報道,不用多講!(太太當日一直在旁等你站起來?)……大家留意他們的報道,我們都是講番電影!」

問甄子丹有無信心《追龍》票房打贏吳京的《戰狼II》?甄子丹表示:「不用話打贏人,大家都是華語片,希望大家都好,畀到觀眾多一個選擇,如果只睇住一齣戲會很悶。」甄子丹指今次特別邀請呂良偉睇首映,因為阿呂曾演過「跛豪」,是一個經典,加上大家是朋友,無論自己拍什麼都會請對方出席。

(即時娛樂)