「唔好瞓低起唔返身就得」  太太力挺曹星如追拳王夢

文章日期:2016年07月22日

「只要你唔好瞓低起唔返身就得。」正因有太太Laam這句,「神奇小子」曹星如每次戴上拳套,踏上擂台時都倍添信心,更專注打每一場比賽。

港產拳王曹星如(Rex)在商台節目《雲常開》答謝太太Laam多年來的默默支持,表示對方從未因打拳危險而勸自己轉行,甚至從沒有把擔心說出口,只曾囑咐曹星如「返嚟見我就好」。曹星如憶述職業生涯第8場賽事後,自己被打至口腫面腫,Laam賽後看到曹星如的樣子大吃一驚,「佢冇講太多,但我知道佢係有嚇親。」

去年初兩人共諧連理,但婚後曹星如未有放慢腳步,相反愈戰愈勇,今年5月擊敗韓國拳王裴永吉後,Rex已達成職業生涯19連勝,目標直指世界冠軍。問到有否生兒育女計劃,曹星如則表示雖然自己希望組織小家庭,但似乎仍未準備好,因此希望先實現拳王夢及置業,再作打算。

相關報道:拳王唔怕痛? 曹星如:唔係,真係痛,係痛入心

相關報道:曹星如爆綽號由來 反敗為勝感動菲裁判 獲封「神奇小子」