【嘟嘴拍唇膏廣告】薛凱琪:每次化妝都好似畫緊3D畫 (21:37)

文章日期:2019年01月31日

薛凱琪日前拍攝唇膏廣告,為配合「閨蜜」主題,Fiona跟她的好姊妹鄭融齊齊拍攝,笑言拍攝時她們重拾小時候的樂趣。Fiona說:「拍攝嘅時候真係好好玩。因為我哋又玩吹泡泡,兩個人就咁拉住手轉圈圈都可以笑到癲咗,因為我哋轉嘅時候都會喺背住鏡頭嗰一秒鐘做啲鬼臉引對方笑場!現場除咗我哋,啲工作人員都睇得好開心!其實如果每次開工都有個閨蜜一齊陪住,過程應該會特別輕鬆愉快,因為感覺幾幸福。」

Fiona工作更忙也要跟鄭融一年起碼見面幾次,難得今次在工作上合作,覺得特別興奮:「因為平時都係生日、聖誕才有機會見面,每次都覺得唔夠時間,所以知道兩人一齊開工覺得好開心,拍攝後我哋仲一齊食晚飯,互相報告近況。」

Fiona自細對化妝品有興趣:「因為我小朋友嗰陣想做畫家,會偷媽咪化妝品去畫畫,加上我又唔愛惜化妝品故玩到爛晒,所以成日畀媽咪鬧!到大個之後都鍾意化妝,我覺得每次化妝都好似畫緊3D畫咁,在臉上畫自己鍾意嘅畫。」現在她好純熟,曾在車上化妝兩分鐘便去做訪問。她稱近年興「自然美」,所以化妝都以自然風格為主,除非當日要做騷上台就會誇張少少。她說:「每一個女仔都要懂得去愛自己,每一個女仔喺我心目中都有佢自己獨特美麗嘅一面,而化妝品是用來突顯她們本身的氣質。」

(即時娛樂)

明報影片