【搞笑夫妻】自爆曾被老公扮賊搶手袋 江若琳:夠晒驚喜 (11:46)

文章日期:2019年02月20日

江若琳(Elanne)和蕭潤邦(Oscar)去年12月結婚,結婚近兩個月,二人不時在社交網放閃,昨日是他們婚後首個元宵佳節,不過Elanne未能跟Oscar慶祝,原來他要到日本工作。

Elanne昨晚在instagram放上合照,並甜爆表示:「元宵佳節,祝大家情人節快樂!我老公不在香港,去左日本公幹! 但唔好以為我唔記得呢一日!雖然西方情人節時,我曾經公然聲討佢毛都無條!但今日元宵佳節我想多謝你❤️ 你既(嘅)浪漫應該得我明,哈哈!你話呢世都唔會買花俾(畀)我,因爲我地(哋)養左(咗)糯米糍(愛貓),佢會對花敏感 !

你唔會再買物質既(嘅)禮物,因為你送左(咗)一個最安穩最有安全感既(嘅)家俾(畀)我!你每日都為緊呢個屋企努力!你唔會再搞埋d(啲)驚喜,因為每一日你都會諗唔同既(嘅)方法嚇鬼我!例如我訓(瞓)緊覺搵水淋我,偷偷地(哋)係(喺)我後面扮賊搶我個袋等等,每日夠晒驚喜!但係原來你唔係身邊,我悶到抽筋!祝你元宵節快樂!你講得岩(啱),只要你係(喺)度,日日都係情人節咁快樂!快d(啲)返黎(嚟)嚇我啦 #希望大家唔會嘔 #祝大家繼續甜甜蜜蜜」。

(即時娛樂)

明報影片