【日本開民宿】譚詠麟爆曾志偉是大地主:打跛腳唔使憂 (23:16)

文章日期:2019年02月20日

【今晚直撃】譚詠麟(校長)今晚帶同旗下歌手、前Square成員趙浚承(Gary),為ViuTV全新音樂節目《譚音樂譚欣賞大本型》錄影。校長透露農曆新年去了日本旅行,再到澳門與許冠傑開騷,「今次日本之旅主要是食。(跟老友曾志偉自駕遊?)佢係雪地,我唔係,哈哈。不過都唔關佢事的,佢都好無辜。我們還笑佢上年中完3T後,一路好似獲利回吐咁,不過今年無事了,所有衰嘢都會走晒,亦唔需要解釋咁多,大家有眼睇的。(志偉有叫你唔好揸車?)傻的,我日日都揸,司機坐旁邊的。」校長也有跟志偉去旅行,去年還去了對方開設的民宿,大爆志偉現在是大地主,在伊豆、大阪等地開設民宿,「所謂矮仔多計,佢真係打跛腳都唔使憂。」

提到早前跟他巡唱的趙浚承,校長表明會嚴格教導對方,至於會否不准拍拖結婚?校長說:「做什麼都可以,點解唔做得?咩社會呀?(你做得的佢就做得?)當然!拍拖OK的,我都見過佢女朋友,唔錯,見家長當然要喇!」

(即時娛樂)

明報影片