【有片睇】李蘊囝囝防疫針未打先喊 見玩具破涕為笑 (16:49)

文章日期:2019年02月21日

李蘊去年8月誕下細仔羅明新(小新),肥嘟嘟,十分可愛﹗小新已經半歲多,李蘊今日就帶囝囝去打預防針,小新最初好乖,但當感到醫生在其大腿上塗上消毒藥水時,就開始哭叫起來,未打針已喊定先,十分搞笑﹗

李蘊問囝囝︰「細佬做乜事?做乜啫?都未打﹗都未打﹗」及後,醫生正式打針,而且連打兩針,小新即時哭起來,非常可憐﹗不過,打完針後,小新又即時被眼前的玩具吸引住,沒再哭之餘,還笑起來,難怪會深得媽媽疼愛﹗

李蘊在社交平台上載小新打針時的片段,留言︰「點解上星期打完,今日又要打針??知唔知我好痛?😭下個月好似仲要打多支流感針,唔係呀話?😩」

(即時娛樂)