【約定下次見】李珊珊微博剖白心情:今天不是句號… (16:05)

文章日期:2019年02月23日

41歲李珊珊一直盛傳患有腦瘤、抑鬱症,經常要出入醫院,神隱7年後突然現身昨晚東華三院的慈善音樂會,在台上以過來人分享出入醫院的經歷,事後未有接受訪問便離開。李珊珊之後選擇在微博拍片回應大家,精神不錯,並不時面帶笑容。

李珊珊面對鏡頭表示:「Hello,大家好,好耐無見﹗今日參與咗一個「歡樂滿東華」活動,主席Vinci(王賢誌)識咗廿幾年,同埋我嘅長輩、朋友、親友真係有試過用東華服務,所以感覺好值得我第一次出席呢個活動。咁梗係緊張,其實我依家拍緊Video都緊張,但都係時候踏出第一步,要鼓起勇氣面對番世界、社會,又或者唔好浪費光陰,呢樣係最重要,喺未來日子,希望喜歡我嘅人,多多支持,唔喜歡我嘅人當睇我唔到,時運高,都係一個幫忙嚟。仲有希望未來我多啲參與慈善方面活動,因為我係一個過來人,知道好多過程,用咩態度或咩心態去面對或迎接,甚至放下一啲嘢。大致上呢刻諗到咁多,因為完騷第一件事就想食飯,食飯最緊要,因為有強健體魄最重要。多謝﹗拜拜﹗下次見,再講﹗」

李珊珊自己亦有留言:「感謝大家支持,讓我勇敢踏出第一步。今天不是句號,現在才是開始。」

相關新聞:【曾傳患腦瘤】神隱7年首現身 李珊珊分享出入醫院感受

相關新聞:【精神比肉體痛苦】李珊珊堅強抗病︰不需同情和憐憫

(即時娛樂)

明報影片