回應當林秀怡透明報道 麥明詩:主持亂講互窒從不當真 (11:58)

文章日期:2019年02月25日

由麥明詩、馮盈盈及陸浩明主持的節目《#後生仔傾吓偈》,早前請來嘉賓林秀怡上去講「透明人」話題,她自爆在化妝間跟同事打招呼食檸檬,竟被對方當透明,場面甚為尷尬。雖然林秀怡講明跟對方未合作過,事情卻指到麥明詩身上,令她罕有在網上回應。

麥明詩留言:「本來我都唔想特別回應呢啲新聞,但有見越黎越(愈嚟愈)過分,唔希望繼續引起誤會。喺《後生仔傾吓偈》其中一集入面,林秀怡表示曾被同劇女演員當透明,而陸浩同埋馮盈盈就講笑話一定係麥明詩,因為我同秀怡拍過播完不久嘅《是咁的,法官閣下》。呢個一向都係我地(哋)節目嘅風格,嘉賓主持亂up互串(寸),從來不當真。秀怡亦都否認,並表示,該女演員係同劇但冇對手戲。佢最尾冇透露佢係指邊個。之後出咗一篇以「麥明詩當林秀怡透明?」為題嘅報導(道),但亦有喺內文話「麥明詩同林秀怡喺《是咁的》有唔少對手戲,對於應該唔會係林秀怡所指『同劇但冇對手戲』女藝人」。事實上我同林秀怡喺《是咁的》係飾演閨蜜。接著,其他媒體可能見到報導(道),就當事實再出報導(道)直指「林秀怡打招呼被麥明詩當透明」、「林秀怡主動打招呼,麥明詩望一眼就擰歪面」。雖然好多人話做得藝人就預咗,但係預咗被人評頭品足唔等於預咗被一啲冇根據嘅新聞損害。很理解記者需要寫標題吸引讀者注意,畢竟傳媒界都好大壓力;只希望讀者都能夠有fact check嘅習慣,唔bother fact check都唔好睇標題就信。要不然好似好鍾意講alternative facts嘅狂人都可以當選總統。 多謝大家留意! #標題黨」

(即時娛樂)

明報影片