【終於輪到佢】《卡拉屋企》三月接棒《皆大歡喜》重播 (20:42)

文章日期:2019年02月27日

「喂,夠鐘啦﹗睇電視,睇下今集講乜先﹗講乜先﹗」這幾句無綫處境劇《卡拉屋企》主題曲歌詞,當年91年至92年晚晚陪伴大家,相信很多劇迷也有印象。據知無綫將於3月20日起,安排接棒《皆大歡喜》時段播出,希望無綫能夠完完整整,將227集播給大家睇,不要令人有「到喉唔到肺」感覺。

現在先給大家一些資料重溫,《卡拉屋企》以「白頭佬」楚原屋企為主,太太是「肥媽」盧宛茵,大女「黃蒂」李婉華,二女「黃菲」黎海珊及細仔「發記」鄭敬基,跟「肥舅父」秦煌、「泰臣」吳鎮宇及沙皮狗Popeye一家,經常發生不少趣事,當年鎮宇的愛犬Popeye成為亮點之一。

當然還有無綫福將歐陽震華飾演的「山哥」、「賭神」黃一飛、「林子祥」梁榮忠、「例湯」余慕蓮、「人妖」翁慧德等參與,令劇集添加笑料。不得不提一提,後期還有不少勁人客串,計有曾志偉、陳法蓉、鍾鎮濤、吳君如及黎耀祥等,屆時考考大家記性了﹗

(即時娛樂)

明報影片