澳門音樂會門票炒至8000元 陳慧琳望明年個唱人人買到飛 (13:59)

文章日期:2019年03月10日

陳慧琳(Kelly)昨日在澳門舉行音樂會,由於門票不設公開發售,部份門票被炒至8000元,難為了一些想捧場的粉絲。Kelly說:「明年是入行25周年,希望成功入紙,可以同班粉絲慶祝。我唔支持炒飛,不過聽到好多粉絲話冇飛賣,希望2020年演唱會開多幾場,個個都從正途經買到飛啦!」這次亦為了照顧未能入場的粉絲,Kelly某些環節在網上直播。

Kelly這晚不單到台下握手,並揮手叫觀眾到台前。問她怕不怕有危險?她笑說:「我都幾知道我的粉絲是斯文或瘋狂,識了大家咁多年,我唔怕,他們不會好大力咁扯我,我都幾大膽,只是剛才戴住隻超級大的戒指,他們一捏落下來時,嘩,我直頭痛到嗌,想叫他們細力些,但又唱緊歌。我發現一路唱歌一路握手,個樣好難好靚,人人又影緊相,不知道唱歌還是笑好,所以下次唱歌握手要揀首開心些的歌!(紅館演唱會會有握手環節?)睇下觀眾想不想,如果想當然好啦!」

Kelly今次唱了不少新歌,很開心在場很多粉絲識得唱,即是代表大家有聽她的新歌,不過她亦有唱《數到三不哭》及《情不自禁》等舊歌,勾起當年練歌時的回憶。

(即時娛樂)

明報影片