【男友話ok】蔡卓妍為雪卵做足準備 預咗肥腫難分 (15:21)

文章日期:2019年03月17日

【今日直擊】蔡卓妍(阿Sa)與好友周勵淇(Niki)今日應邀出席鴨脷洲洪聖傳統文化節,齊齊放水燈許願。有傳阿Sa今年會出嫁,她說:「我回應過了,無呀,未呀!暫時未有計劃。我一向唔急,只是其他人替我急,尤其傳媒經常催我,真的吹脹呀!(要攞獎做影后才嫁?)攞唔攞獎,結唔結婚都不是我可以控制的事,所以不要想太多,隨遇而安。因為結婚不能兒戲,要慎重考慮,去到那一刻就發生,兩個人要相處好充足先,因為婚後是另一生活,Niki婚前都有問我意見,我叫她嫁,通常處理別人問題都好理智。」

Niki指阿Sa是好姊妹,都有聽她的說話,見到阿Sa經常被催婚亦好怕,所以直接結婚就算,但婚後又被催生仔。阿Sa提議Niki先行雪卵,原來她已有這個打算,「因為覺得自己未準備好生仔,所以雪住先,我身邊好多朋友都做了,是好普遍,我選擇在香港雪卵,到結婚後才可以用,現在食緊營養補充劑,食了幾個月,而且要做大量運動,最近差不多日日健身,但之後要打10日荷爾蒙針,要自己打落肚,好擔心,可能搵醫生幫忙,而且會變肥,要肯定那段時間閉關不見人先,我本身是肥底,覺得屆時一定會肥腫難分,大家應承我,如果我肥了不要話我肥,我有自知之名,我會減的。(男友石恆聰有何意見?)無呀,ok呀!」阿Sa自爆進行這計劃前,第一個諮詢媽咪意見,媽咪不反對就做,不會理其他人睇法。

Niki考慮相約阿Sa一齊去雪卵,但會先試自然方法,可是知道打針食藥,要好好考慮一下。

(即時娛樂)