【被富婆操控?】黎明拍片提醒防被騙:大家唔好做懵仔魚 (16:52)

文章日期:2019年04月01日

黎明最近應相關機構邀請,拍攝一段防被騙的影片,片中女受害人收到黎明聲音的留言:「我係黎明,我喺內地被富婆操控,迫我拍劇,唔該你用網上過數嘅方法畀我,當係贖金,畀我脫身返嚟參加香港金像獎,成事之後我會同評審講,個獎同埋獎金都歸你。」鏡頭一轉,見到一名男騙徒用電話在錄音,而女受害人最初懷疑,但最終受騙過數,男騙徒收錢即封鎖女受害人電話,之後尋找下一個目標人物,竟然找上真正的黎明。

黎明收到短訊後就話:「真係當我係懵仔魚,我邊會拎到金像獎﹗」之後向鏡頭呼籲:「如果懷疑自己做咗懵仔魚,即打熱線18222。」

黎明今日在facebook轉載這條以輕鬆搞笑拍攝的影片,更留言:「I do believe..本人或你本人都最憎被騙!提醒大家唔好做懵仔魚 一年得一日係愚人節,冇人想同自己額外慶祝多個愚人節 防被騙!」

(即時娛樂)