【光頭再現】側田拍新歌《完全變態》MV 廣告彩兜頭淋 (20:14)

文章日期:2019年04月02日

側田為6月舉行的紅館個唱推出新歌《完全變態》,將於明天(4月3日)派台,MV亦會同日在網上首播。側田今次為新歌MV可謂豁出去,大方展現自己光頭外,更被廣告彩「兜頭淋」。

側田說:「淋上頭的是廣告彩,雖然比油漆易洗,但淋到成頭係,入晒耳仔,咁我唱住咁夾口型,結果成口都係,原來廣告彩食落口是苦苦哋,不似香口膠的。」由於現場無沖身的地方,他要在事前預備好的水桶沖洗,至於廣告彩有否引起皮膚敏感,他說:「初頭冇,只是覺得好凍,一堆堆嘢撻咗落個頭再流落身,拍完之後先發覺條頸起了一粒粒紅點,化妝師話有少少敏感,不過拍得好乜都冇所謂。」

MV花了4小時便完成,因為過程不多兼不能重拍,只可以一take過,側田笑說:「話就話一take過,被淋時候個位不對,廣告彩流得不好睇,都是一路補一路淋,愈淋愈興奮,搞到我真是好似變態咁。」

(即時娛樂)