【捐出歌酬】鄭秀文宣布演唱會加開2場 無得排隊買飛 (18:19)

文章日期:2019年04月08日

【今日直擊】鄭秀文(Sammi)今日出席7月紅館演唱會記者會,宣布加開26日及27日兩場,當中歌酬會捐作慈善用途。

鄭秀文演唱今次炒賣情況恐怖,有人將980元門票標價3萬元,歌迷心情可謂灰爆,叫Sammi親身嘗試去購票。Sammi表示:「今年因為加開多2場,相信會好好多,同公司有個決定,爭取到公開賣飛比例高過以前咁多年,所以相信好多市民用到正價買飛。(網上或排隊購票?)成個演唱會無得排隊買飛,覺得網上訂票都方便。個人認為下次再開13場演唱會的機會比較少,今次因為感覺好多人真的想睇,加上上次個騷自己有點遺憾,失聲,所以今次想做番一個好騷,又想多些人可以參與及睇到,而今次捐出歌酬,令整個演唱會再有些意義,不是單純做個演唱會,自己又可以多些力量完成整個騷,因為自己都好驚,好耐無做過13場演唱會。(上次失聲有陰影?)有,其實內心係驚,不過盡量去做些事情去克服,都要跨越它的。」

相關新聞:【980元門票炒至3萬幾元】Sammi歌迷抱怨:好灰好絕望

(即時娛樂)