【大整蠱】以為歌迷破費送昂貴手機 張敬軒竟然收到… (20:24)

文章日期:2019年04月11日

張敬軒(軒仔)曾公開表示收過歌迷送上一大盒頭髮,嚇到他以後不敢晚上獨自在家中拆禮物。今日軒仔又有奇遇,在家清理歌迷送的禮物時,發現一部品牌手機,最初很內疚收到如此貴重禮物,誰不知打開卻是朱古力,還加入一塊鐵板扮手機的重量,軒仔不禁在社交平台大讚歌迷如此食腦,並搞笑話會作出反擊:「正所謂有仇不報非君子,下次買碟收隻光酥餅喇你哋﹗」

張敬軒留言:「#呢單嘢直情要上警訊我話你知 話說我喺屋企清理上次簽名會fans送嘅禮物,跟住見到有部原裝sealed嘅大iPhone,心入邊內疚咗好耐:(#鄧碧雲媽打腔)我啲歌迷成日都咁破費,搵個錢唔容易,真係有我心 #粒眼淚真係爭啲就跌出嚟 #跟著心諗(轉 #李司棋真情阿家腔)#司棋姐親自留言更正 #應該係善姨腔 既然人哋一番好意就唔好拒絕啦,啲電器擺得耐都會壞㗎 #點_知 我一打開,我變咗隻澳洲樹熊 #唔_係啩 #金莎嚟嘅 #下邊佢仲要加塊鐵板扮重 #仲要啱size #我當堂轉周星馳tone #吖好嘢好嘢 #我話你知我班fans真係食腦㗎 #正所謂有仇不報非君子 #你哋班嘢你ting住下次買碟收隻光酥餅喇你哋 #對上呢句記得用黃韻詩tone #亞叔你哋都呃真係好冇陰功 #佢仲有俾(畀)埋收據㗎佢」

(即時娛樂)