古巨基請教生仔方法 李克勤:唔明去問校長 (15:11)

文章日期:2019年04月13日

古巨基世界巡迴演唱會香港站Part 2昨晚請來李克勤做嘉賓,二人齊齊放笑彈,令全場觀眾爆笑。克勤與基仔合唱《夏日之神話》後,他即搞笑拉出話題:「聽講前一晚個嘉賓爆你兩公婆成日摸手摸腳,其實這些情景都見過,哈哈,但是好想問你,點解你剩係摸呢?點解咁耐都摸唔出啲咩嚟?你唔好剩係摸,要有舉同埋動先得呀!」觀眾聞言即不停地笑。

基仔即虛心請教:「我知你堅,你出左兩大舊,我都要向你請教!」克勤表示:「我都係譚詠麟教我,你想生仔定生女?生仔呢,阿倫話要倒掛金鈎!生女就要用一招腳指尾拉西!」一頭霧水的基仔就反問:「我想問『倒掛金鈎』你掛定老婆掛?用邊個腳指尾先?哈哈﹗」克勤說:「呢啲只可以意會,講出來冇意思,哈哈,feel唔到去問下校長,叫佢詳細教你。」之後基仔去換衫,克勤獨唱一曲《失魂記》。

(即時娛樂)

明報影片