張智霖擔任紅館尾場嘉賓 古巨基台上爆靚靚發惡趣事 (17:32)

文章日期:2019年04月15日

古巨基世界巡迴演唱會香港站part 2昨晚尾場,唐詩詠,蘇志威,向海嵐,傅明憲,曾樂彤,許靖韻及姚瑩瑩等,齊來捧基仔場。基仔這晚請來張智霖擔任嘉賓,台上合唱《現代愛情故事》,之後他自己唱到完場,觀眾也不肯離開,不停大叫安歌,結果被罰錢亦繼續留下來唱,並任由歌迷點唱,最終唱到12點才真正完結。

張智霖這晚穿上顏色鮮艷的西裝上台,基仔見到大感驚訝說:「嘩,你著到咁靚仔呀你!」張智霖笑言自己一向都是黑白灰,但為了襯基仔,據說要開心和繽紛,結果破例揀了這件西裝,「我剛聽你講先知,原來你是我的前輩,你早我入行一年,我是由細聽你歌大,前輩﹗」

基仔指以前印象中的張智霖是個24小時都靚仔的人,近兩年成日見面開始了解他,發覺對方是一個開心果,經常帶比大家好多歡樂,「他更是個好惜老婆的人,記得有次他來我家玩,工人姐姐拿了雪糕出來,他靜雞雞去攞雪糕之後,就突然聽到阿靚(袁詠儀)好大聲及好惡咁大叫『張智霖!你唔好食啦你!』」張智霖即拉基仔落水說:「係呀,你咪同我一樣,古巨基其實都是一個飢民,都是成日冇嘢野食!」張智霖之後讓基仔去換衫,他就獨唱一曲《歲月如歌》。

(即時娛樂)

明報影片