梁裕恆最後一次講「安心事件」 再爆女藝人被帶上房 (14:36)

文章日期:2019年04月29日

落選港男梁裕恆(Flow)今日發長文在社交網評論「安心事件」,表明今次是最後一次,而他聲稱自己一直堅持4個觀點,就是「黃心穎有錯」、「在被男方欺騙那一點上,黃心穎也是受害人」、「四個人的關係並不是大家所想般簡單」及「同樣事情在社會上不斷發生,不用置人於死地」,他亦無意挑釁所謂的網民,自爆事後傳媒邀約專訪,亦被他推掉了,聲稱如果想出位又怎會推辭。

梁裕恆為自己再一次清楚解釋外,更在文章中爆料,指連日來斥他「抽水」當中的一個人,在娛樂圈壞事做盡,曾經想將一個女藝人帶上房,最後雙方爭拗一輪,向女方講句「你以後無運行」。至於梁裕恆所講的是誰,並沒有明言。

相關新聞:梁裕恆拍片再講「安心事件」 森美:冷靜是最好把持

梁裕恆網上留言原文:

最後一次提及《安心事件》

網絡欺凌?言論自由?文化大革命?

刪除post既(嘅)原因是因為我知道的 要說的都已經說完 對我來說已經告一段落 再講就長氣 老套 事實證明裝睡的人是叫不醒的 我一直既(嘅)觀點只有幾個:1.她是有錯 2.在被男方欺騙那一點上 她也是受害人 3.四個人既(嘅)關係並唔係大家所知咁簡單 4.同樣事情娛樂圈或社會上不斷發生 唔洗咁樣至(置)人於死地

但原來所謂既(嘅)網民係唔識中文 或者只是標題黨 只會發癲說 你個人道德觀有問題 搞人老公就係唔岩(啱) (我不是說了她都有唔岩(啱)嗎)即使社會上大家睇法有唔同 又需要這樣嗎 怎麼香港會變成這樣?

曾經有個年代 觀眾唔鍾意藝人結婚 所以結了都要收埋扮無結 但呢個年代 觀眾鍾意藝人結婚或情侶檔............你鍾意浪子娛樂圈個個都浪子 你鍾意好男人 娛樂圈就個個都好男人 觀眾鍾意咩 娛樂圈就會有咩 律政司工作需要都會結比你睇 this is partnership

我認為裕美既(嘅)回應 大方又中肯 但都要比所謂既(嘅)網民鬧 她幾個家姐完全唔關事 都比人留言洗版 有個人講得好岩(啱) 係呢件事上唔踩多佢一腳就已經係敵人 講番句公道小小既(嘅)說話已經要被攻擊 其中一個原因是 人是不願意接受自己一直相信既(嘅)事係假的 錯的 我一直無意挑釁所謂既(嘅)網民 錯在我不知道香港是無言論自由的 我出post後大量是假ac來言語攻擊 大約比例是7成假ac 2成 fans 1成無聊人 飲食業有網絡打手 娛樂圈又怎會無 而所謂既(嘅)網民真係好搞笑 會認為留幾個言就會覺得自己好威 好大攻擊性 會傷害到我弱小既(嘅)心靈

農民化社會 佢地既(嘅)留言正好反映出佢地既(嘅)層次 我一句都懶得回應 對我來說不痛不痕 很多朋友關心我有無事 對我不太了解 我會堅持做我認為對的事 即使千夫所指 而且怎會為一d(啲)完全唔識 無關痛癢既(嘅)人或說話去唔開心 不過藉著呢件事 大家亦可反省一下網絡欺凌的問題 曾經有人因為網絡欺凌而輕生 很可惜

對這網絡太認真了 你睇d(啲)留言就佢地(哋)知不知所謂 會在網絡通處鬧人的人 又會正常得去邊 今日又有另一條契弟出離(嚟)話我抽水 我需要抽水?我需要搏出位?呢條契弟係娛圈圈壞事做盡 曾經想夾一個女藝人上房 最後傾唔掂數 對人講左(咗)句 「你以後無運行」自己周身屎既(嘅)人 做咩要提及我d(啲)小人物 抽我水呢 人人都想抽水 但水並唔係咁抽 發生這事後有三個傳媒想約我出來做專訪 我都推了 如果想出位 怎會推辭

我在網上一直有評論政治 社會問題 好多朋友提醒我做呢行 唔好講政治啦 但我性格就係咁 唔岩(啱)就要出聲 搏咩出位ja 我根本唔洗靠呢行搵食 對我來說 簡簡單單夠食夠住 做人對得住自己良心就可以

(即時娛樂)