【何方妖孽?】容祖兒遭軒仔惡搞 激到聲沙:人神共憤 (13:45)

文章日期:2019年05月07日

容祖兒的新歌《Pretty Crazy》,歌曲MV同舞蹈編排,均由韓國團隊一手包辦。而祖兒的好友張敬軒亦相當有心,要送份「厚禮」給祖兒,賀她的20周年演唱會,軒仔繼去年「降兩度」後,再度二次創作,化身「冤枉娛樂」新人「火龍果」,惡搞《Pretty Crazy》變《Pretty Hungry》,軒仔以他的至愛「low cost cosplay」拍攝。

相關新聞:【降兩度變火龍果】遭張敬軒惡搞 容祖兒搞笑:幫我報警 

《Pretty Hungry》MV入面有四個造型,軒仔表示最愛是一套用膠袋堆砌而成的服裝:「雖然膠袋不環保,但我們可以將它廢物利用,好像這套膠袋衫,造出來之後,真的好靚,我覺得這套衫好出色。」另一個零食造型,更為他度身訂做,因為唱片公司團隊覺得軒仔太為食,所以將歌詞改為「Pretty Hungry」,還特意為他做了一個零食背囊,軒仔笑稱:「同事好有心,背囊上面全是我愛的零食。」問到為何愛玩「low cost cosplay」?軒仔認為這樣才是二次創作精髓:「這樣才體現出低成本製作出來的作品,都有好的效果,而且激發到創意。」

昨晚MV一出,除了吸引網民熱話外,蔡卓妍﹑泳兒﹑楊千嬅和鄭希怡等紛紛留言,經理人霍汶希(Mani)亦說:「真的跳得不錯。」被「致敬」祖兒則在ig限時動態拍片留言:「我畀火龍果呢隻『樂壇妖孽』激到火到冇埋,聲都沙晒喇,想殺死佢呀﹗」同時她亦在軒仔ig留言:「何方妖孽?唔好再搞我好朋友,我軒仔以前好乖巧㗎...唔好講咁多啦,一於攞筷子嚟夾佢啲手指,燒啲符水佢飲吧啦。」

軒仔今日在ig貼上兩個MV的片段,並搞笑稱:「今朝一早,阿 #年度亞熱帶混血新人 #火龍果 打俾(畀)我,話佢啱啱加入娛樂圈就壓力爆煲 #要開始安排退休嘅事宜 #啲傳媒同公眾嘅壓力令佢緊張到有 #神經病 #佢依家覺得自己 #prettycrazy #佢話喎 你哋一個二個話佢惡搞,佢話佢喱啲係致敬吖 #佢話囉 #唉我咩都唔知吖我你哋自己睇下喇 唉。」

(即時娛樂)