董敏莉抱怨欠缺高質育嬰室:又話鼓勵母乳餵哺? (15:09)

文章日期:2019年05月12日

董敏莉(Monie)去年11月誕下囡囡「子子」,有女萬事足的Monie,現時專心湊女,不時在社交網分享和女兒點滴。昨晚Monie更新instagram,她抱怨欠缺高質的育嬰室:「話說今(昨)日子子幫襯咗兩間育嬰室,一間喺酒店,一間喺尖沙咀商場。酒店嗰間空間不足,而且非常嗅(臭),枱面仲有用完的濕紙巾,非常唔衛生。子子一瞓上換片墊就即刻喊,所以嗱嗱聲換完走人。

去到尖沙咀商場,育嬰室都OK乾淨,不過只有一間哺乳室,咁啱有人用緊,只好在門外等候...等了又等,子子開始喊,打算去另一層看看有沒有位,一問之下,原來整個商場只有一間育嬰室(連清潔姐姐都話太少,仲叫我去投訴)咁唯有返去等...間房仍然有人用緊,只好在換片旁的梳化餵吧(好彩無人,因為之前這些位置坐滿了爸爸)終於餵到,不過感覺不安,因為一開門就被人見到,唉...... #欠缺高質育嬰室 #有無高質育嬰室推介 #又話鼓勵母乳餵哺 #配套不足如何是好。」

(即時娛樂)