【萬晞華找數】惠英紅言出必行 絲襪笠頭闖港鐵站買包 (15:59)

文章日期:2019年05月21日

由惠英紅(紅姐)﹑袁偉豪﹑姜皓文和蔡思貝等主演的《鐵探》,早前已播出大結局,而收視方面高達33點,之前紅姐曾表示如收視過30點,便會絲襪笠頭「找數」,而紅姐果然「牙齒當金使」,今日她在facebook直播找數片段,紅姐一身便服打扮現身港鐵站,她說:「我萬晞華(劇中角色)到咗一個地鐵站,依家就嚟找數,其實我萬晞華講嘢一定要算數嘅,如果唔係我點樣管治西九總區呢?除咗我找數外,我記得當日記者會,姜皓文(黑仔)都有話過佢找數嘅,黑仔我正式Call你喇,睇你喇,我依家就入去找數喇﹗」

之後紅姐言出必行,拿出藍色絲襪笠頭,並擺出嬌俏甫士,而幫紅姐拍片的人說:「真係講得出做得到呀﹗」然後紅姐步入港鐵站,去到一間麵包店買麵包,買完麵包後,她又在站內行了個圈,她笑稱:「我覺得最緊要開心,如我將自己開心SHARE出去幾好吖,我找咗數喇,姜皓文,交個波畀你喇。」

(即時娛樂)