【直斥不實】網傳楊千嬅宣布離婚 丁子高無奈又好笑 (20:39)

文章日期:2019年06月26日

楊千嬅與丁子高向來恩愛,近日兩公婆一齊忙於搞巡迴演唱會,想不到有人亂放料,指千嬅含淚稱她跟丁子高的婚姻完結。丁子高今日在社交平台回應:「近排好多朋友send呢個報導(道)俾(畀)我,睇完之後覺得好無奈,好好笑。相信大家都明白,我亦唔需要多加解釋。網絡世界有好多我哋控制唔到嘅事,而咁啱近排又有好多事件接二連三地發生,呢啲都係我哋控制唔到嘅。而家科技太發達,每個人都可以喺網絡上説話,甚至可以將一啲原有嘅訊息被攞走,所以出現咗好多唔同嘅意見及不實嘅報導(道),希望大家要過濾下(吓)網上資訊嘅真確性同埋注意帳戶加密安全。」

丁子高同時上載他與千嬅的合照,二人sweet爆望向鏡頭,以行動證實傳聞是流料;千嬅亦轉載老公的留言。

(即時娛樂)