【阿倫阿B撐警】不再忍讓「前輩」 何韻詩:墮落沒有盡頭 (12:51)

文章日期:2019年07月01日

譚詠麟(阿倫)與鍾鎮濤(阿B)昨日參與撐警活動,惹來一些歌迷不滿外,黃耀明(明哥)在社交平台公開作出質疑,而身為明哥好友的何韻詩(阿詩),亦在網上聲援明哥,表態不再忍讓所謂「同行」、「前輩」,直斥阿倫與阿B無資格批評年輕人。

阿詩留言原文:

//明哥指譚詠麟口中的「不想談政治」是自欺欺人:「不想談政治?當你踏進這個公園,踏上這個舞台就已經非常政治,何況你不談政治,政治會找上門,所以不要掩耳盜鈴,自欺欺人。」//

.

明仔好嘢!!

.

.

老實講,我其實一直都對所謂「同行」所謂「前輩」比較忍讓,始終都叫做同一個界別,就算點俾(畀)記者問,點嬲都好,都盡量唔想點名批評。

但原來荒謬只會更荒謬,墮落原來可以如此沒有盡頭,唔可以出聲支持嘅,有苦衷嘅,算,我可以諒解。

但要走上台聲援再向弱者踩多幾腳嘅呢啲,絕對不能容忍。一個二個雙重標準,什麼「不談政治」?當年無利益衝突就高調支持北京學生,去跑馬地表現悲壯;過咗三十年時勢唔同喇,而家你地(哋)自己屋企有事啊,要你地(哋)支持學生就懶高尚「不談政治」,極權要你地(哋)低頭就乖乖站台?一知半解、睇咗幾條片就覺得掌握真相嘅人,你地(哋)無資格批評我地(哋)嘅年輕人。

你地(哋)催眠到自己,都說服唔到真正嘅香港人。

相關新聞:【阿倫阿B撐警】黃耀明公開質疑:不要掩耳盜鈴…

相關新聞:譚詠麟鍾鎮濤參與撐警集會 歌迷毀唱片以示不滿

(即時娛樂)