【著乜嘢顏色衫返港】黃夏蕙懊惱:揀錯顏色等如生死一線 (18:49)

文章日期:2019年07月23日

身在美國的黃夏蕙,今午在facebook上載兩張相,夏蕙姨雖身處美國,但仍關心香港狀況。她表示將於下月3日黃昏時單拖返港,但現正懊惱穿什麼顏色的衣服回港,夏蕙姨留言時,亦禁不住爆粗說:「各位,我好亂!幫下(吓)我決定著乜鬼衫返香港。係咁架(㗎),我決定8月3日黃昏6點一個人返香港.....但係而(依)家係(喺)香港地,著衫D(啲)顏色配搭都好大件事,揀鍇(錯)色就等於生死一線,黃同藍就己(已)經唔著得啦!依家黑同白又唔著得!究竟想市民點X樣呀?你地(哋)話我怕死,可以叫潘Sir陪我一齊返咪無事?唉!你地(哋)就知啦!佢舊陣時係做差佬,點信得過呀.....所以我有個提議,黑底白花既(嘅)衫,應該安全啦!係唔係?

其實您地(哋)應該知道我講乜!更加知道良知同人性慨(嘅)分別!依家唔係60年代呀,若要人不知,唔好太白痴(癡),好唔好?快D(啲)將香港變番(返)和平福地,等我返得安心D(啲)。

仲有,Lee(呢)個期間唔咳(該)唔好再係(喺)任何群組,上崗上線咁轉發任何一方既(嘅)短片同聲音呀!我係老人家,只係想世界和平,開開心心!無興趣火上加油!咪X再搞X我部電話呀!哈哈!講完舒服哂(晒),8月3日香港再見大家!」

(即時娛樂)