旗下小食店不參與8‧5罷市 譚小環:做食物支援 (16:43)

文章日期:2019年08月04日

《逃犯條例》修訂引來的風波至今持續,有網民發起明天「8‧5全港大罷工」,沙田、荃灣、屯門、黃大仙、大埔、旺角、金鐘7區舉行集會。早前譚小環與老公蔡強榮經營的小食店「渣哥 一九九六」在facebook公布會為「小朋友」提供免費食物,日前就宣布不會參與罷市,因為想繼續為「熱血細路」提供「我愛香港」免費套餐;至於公司員工無論以任何原因需要請假,也會無條件獲批准有薪假期。

facebook內容如下:

關於三罷行動,我哋呢幾日開咗好多次會,一直都拿唔定主意,究竟我哋三間分店應唔應該開門呢?罷工唔開,但又怕有熱血細路肚餓冇嘢食,想繼續提供「我愛香港」免費套餐……;照開門,又怕大家誤會咗我哋唔支持今次活動……

我哋討論咗好耐,一時就話罷啦,一定要支持到底,一時又會話唔係喎,又有其他原因值得開喎……

咁我哋而(依)家有個決定——就係照開,因為我哋覺得,每個人都有不同嘅崗位,有人負責救火,有人負責拎水,有人負責急救,咁我哋嗰三間舖,係應該做最後嘅食物支援。雖然都唔係話幫到好多,但好似人人出少少力,就可能推動到少少,希望大家唔好覺得我哋好傻,亦唔好介意我哋出嘅力唔係好大。

【通告】

【2019年8月5日 星期一】

1 所有分店將會繼續提供「我愛香港」免費套餐,而當日之供應時間會順應提早由08:00開始至21:00。

**真•細路如需要外帶給其他正在夢遊的真•細路,每位上限增加為8盒。

2 當日所有公司員工,無論以任何原因需要請假,當然亦會無條件獲批淮(准)有薪假期。

**基本法第3章第27條清楚表明:

香港居民享有言論、新聞、出版的自由,

結社、集會、遊行、示威的自由,

組織參加工會、罷工的權利和自由。

民主之精神,

莫過於能確切表達民之公意。

香港人加油

渣哥一九九六」

 

(即時娛樂)

RELATED