古天樂紅館Sing撐容祖兒 首度Live跳唱《今期流行》 (14:37)

文章日期:2019年08月16日

容祖兒昨晚紅館第11場演唱會,請來「男神」古天樂擔任特別嘉賓,古仔首次現場跳唱《今期流行》,令全場觀眾high爆。祖兒最初請觀眾估這晚的嘉賓是誰,她說:「這位男神,全港冇人唔鐘意佢,佢由細到大都好惜我,曾經係我演唱會擔任過一次演唱會嘉賓,今日想大家送份禮物比呢位嘉賓,做下dancer ,一陣音樂起,適當時候就記住一齊做呢個動作。」祖兒隨即跳出《今期流行》的招牌「拜神舞」動作,台下意會到便起哄,而現場亦響起《今期流行》音樂,古仔在舞台出現,跟祖兒演釋這首歌曲,並邊唱邊跟觀眾握手,場內氣氛熱烈。

古仔唱完這首歌後表示:「第一件事,我係病緊,第二件事,我想講《今期流行》從來未Live唱過!」祖兒笑指古仔這輩子未現場演繹過這首經典金曲,大讚對方很惜她,又問古仔是否前世欠了自己,記不記得多年前已做過一次演唱會嘉賓。古仔聞言即說:「你真係當我老人痴呆症喎﹗我以前同你影過張相嘛﹗」祖兒答:「係呀,嗰時你仲拍緊劇,我係電視台撞到你,當然唔會放過機會,就係呢張相溝掂你!哈哈,我講笑,你嗰陣好白…」

古仔台上又突然話帶了耳機後,聽不到現場聲音,要求再唱多次《今期流行》,祖兒雖然大感意外,亦應承再合唱多次,而古仔重唱時更又跳又唱,相當投入。最後祖兒亦不放古仔離開,二人再合唱《男朋友》才肯落台。

(即時娛樂)