【感情事冇對與錯】張致恒未婚妻籲停止傷害同侮辱小朋友 (12:37)

文章日期:2019年08月19日

張致恒(Steven)早前自揭未婚妻雯雯,為他誕下兒子,但Steven隨即被揭一腳踏五船,桃色醜聞纏身的Steven及後向舊愛梁皓恩(April)道歉,而April日前也終於蒲頭,在社交網報平安,這段桃色風波似告一段落。

雯雯昨天在社交網曬抱B照,流露母愛,今日凌晨時分,雯雯再更新ig,她在ig限時動態撰文訴心聲:「世界上冇人唔會做錯事,你同我都一樣都會有錯嘅時候,至於值唔值得原諒,每個人都會有唔同睇法,而我就覺得都未比(畀)機會,唔通就要判人死刑?感情事從來冇對與錯,自己覺得值得就繼續,就算全世界幾唔睇好喺度鬧,自己選擇嘅就要努力同佢一齊行落去,

至於小朋友成長會係點,開心唔開心好同唔好,都唔係你同我可以去做結論,既然佢已經嚟到呢個世界,就俾(畀)空間佢去行佢嘅人生,所以希望大家可以停止去傷害同侮辱一個只擁有一顆天真嘅心,無論發生幾唔愉快嘅事,都係會帶住笑容的小朋友,我仍然相信每個人都有善良嘅心。」

(即時娛樂)