【感疲倦】私人原因向網民說再見 黃秋生:我唔係港獨 (16:10)

文章日期:2019年08月29日

黃秋生一向敢言,自反修例運動開始以來不時在社交平台表態。秋生今日卻突然在facebook寫下夾雜繁體字及簡體字的留言,說他很累,並向大家說再見,未知是否被滅聲,令人擔心﹗

秋生寫道︰「各位,我癐啦。再見。喜歡我嘅朋友唔駛(使)担(擔)心,我唔係去死,我會堅持信念,大家都係,大丈夫有所為有所不為。我只係癐啫。痛恨我嘅朋友,係,係朋友,我唔憎你哋,因為我都唔識你哋,你哋對我亦無任何影響,我只係因為私人原因,疲倦而已,你哋亦唔駛(使)高興,因為你哋並無成功咗啲乜。」

「喺呢度,大家平等,互不相識,缘(緣)生則聚,緣滅則散,你我只係宇宙間嘅粉塵。只願,中港两(兩)地嘅人,可以好似以前一樣,再次和諧相處,歡聚圍爐。」

「最後,我從來都唔係港獨,亦唔喜歡暴力,同大多數人一樣。我只係一個有獨立思想,喜愛知識,而且憎惡邪惡嘅普通香港人。 其實,內地都有好多聰明俊秀嘅人材(才)。还(還)有,蝗虫(蟲)不是我说(說)的,我寫的那句是文言,不懂別亂说(說),蝗虫(蟲)是一个(個)導演罵的,而且他现(現)在还(還)在大陸,看似挺受你們欢(歡)迎的在捞(撈)你們的金呢。 香港人,加油。」

(即時娛樂)