10‧16生日開騷 泳兒特製性感戰衣:安全最重要 (18:48)

文章日期:2019年08月29日

【今日直擊】泳兒相隔3年再開騷,將於10月16日假九展Star Hall舉行演唱會,現正積極備戰做運動,苦練出22吋纖腰。

泳兒今日在演唱會記者會上解釋,過去3年身體麻麻,以致狀態不夠好而未有行動,所以非常珍惜今次機會。最初她打算在11月開騷,卻遇到檔期問題,最後揀了10月16號生日當天開騷,「生日開騷好開心,終於有藉口叫朋友買飛捧我場,當送生日禮物。正日當天,男友會幫我整髮型,當陪我開工;以往都試過挑特別節日,例如情人節開騷,令他和工作人員都詐型,不過好彩今次是我的生日」。

泳兒透露這次會度身訂做性感戰衣,卻擔心不慎泄春光,「靚之餘,我覺得安全最重要,跳舞難穿無吊帶內衣,自己本身好大汗,黐膠紙好易甩,最驚跳舞時突然跌nude bra,因為有一次搭巴士真的跌了出來,不想重蹈覆轍」。

(即時娛樂)