陳奐仁個唱騷肌曬舞技 有意組男團「成年BTS」 (13:33)

文章日期:2019年08月31日

陳奐仁(Hanjin)昨晚於灣仔會展舉行《弦音教父》演唱會,請來視帝黎耀祥上台擔任表演嘉賓,他形容祥仔是電視界教父,大讚演技超班令他五體投地,更要求祥仔除衫騷肌,而祥仔婉拒笑道:「不知何時香港歌手開騷要除衫,但作為觀眾可以睇脫衣舞都好開心,不過差碌棍。」陳奐仁即扮棍讓祥仔夾住跳舞,場面搞笑。

陳奐仁這晚大騷唱功之餘,特別安排半裸肌肉男跟他齊齊騷肌,又和性感女Dancer跳辣身舞,令全場氣氛熾熱,台下不停大叫要求除衫騷肌,他卻只將衫拉高少少騷腹肌。

陳奐仁騷後受訪時解釋剛才與健身教練同台關係,怕醜不敢除衫,隨即拉開拉鏈騷肌任影,又揚言很鍾意跳舞,還稱有意組一隊跳舞男團「成年BTS」,要招募好似足球隊那麼多成員。問是否想轉型做跳唱歌手?他說:「有朋友話得,如果操到可以變跳唱歌手,有一日郭生(郭富城)會否肯同我一齊跳呢?咁就發達了!」

(即時娛樂)