無綫《包青天》大結局「伏」味濃 劇迷鬧爆:九唔搭八 (18:17)

文章日期:2019年08月31日

無綫劇集《包青天再起風雲》昨晚(30號)大結局,劇情大玩「伏」線,令不少劇迷大叫睇唔明。話說劇情講到雲千羽(胡定欣飾演)要嫁到西夏,跟公孫策(曹永廉飾演)話別分手後,包拯(譚俊彥飾演)卻跟公孫策說雲千羽裝死,現正在塞外等他。當公孫策在山上見到雲千羽,雲千羽卻留下定情匕首,下落不明;之後時間去到一年後,包拯去見能尋找靈魂的依蘭,幫他去見紀念念(姚子羚飾演),包拯在屍橫遍野的地方醒來,被公孫策認定濫殺無辜,包拯惟有搶走馬匹逃走,到另一處地方卻見到紀念念,包拯一時亂神之際,失蹤的雲千羽突然出現,叫包拯殺了紀念念才可自救,三人在對峙間就完結,並沒有交代清楚是什麼一回事。

對於今次《包青天》大結局如此「伏」味,昨晚不少劇迷在討論區發火大鬧及提出多個疑問,包括:「千羽真係死左(咗)?」、「個結局想點呀?」、「大結局點解睇唔明嘅?」、「神奇的結局」、「問米婆都出動埋」、「九吾(唔)搭八」、「佢應該仲有一個故仔,不過收視唔得所以cut到咁……我估」、「十二傳說結尾收得如此漂亮,包青天結局就不知所謂﹗」、「可以有人解釋一下畀我知嗎?」、「有冇人睇得明個結局啊?點解千羽把匕首喺山到?但最後又出來同包拯講嘢。。。。睇到一頭煙」、「今次包青天真係經典,係垃圾經典」、「因為最後個單元講鬼,過唔到大陸審批所以cut哂?」

(即時娛樂)