【模特兒天分】董敏莉唔反對愛女做童星 拍廣告掙2年學費 (14:51)

文章日期:2019年09月01日

董敏莉日前母女檔拍廣告,大讚囡囡「子子」盡得她的真傳,現場不停擺甫士,很有模特兒天分,「平時開工會帶她一齊去,可能她睇得多學識擺甫士,加上她好多笑容,好似幾適合這行。其實我不反對她做童星,現在是客戶想搵她,我掹車邊先有工開,這兩個月都掙了2年學費。」

董敏莉又爆囡囡近日返學主動「撩男仔」交朋友,見到男同學時好熱情,主動撩人玩,嚇到對方喊晒口,於是教子子保持矜持,女仔是要等男仔追求的。

提到早前拍攝ViuTV的劇集即將上映,當中與梁漢文有場激吻戲,董敏莉講明不會畀囡囡睇,「她仲細個,不想她以為梁漢文是爸爸,叫錯晒,搞到老公呷醋。到她長大再一齊睇,當性教育之餘,畀她知道媽咪是做什麼工作。」

(即時娛樂)