【曾是好友】與謝振中割席冇聯絡 渣哥:道不同不相為謀 (13:19)

文章日期:2019年09月03日

前港姐冠軍譚小環和老公蔡強榮,向來支持抗爭者,二人經營的小食店「渣哥 一九九六」,更不時為「小朋友」提供免費食物,就算因示威而令食店要提早關門,他們也相當體諒。

有網民發現兩年前小食店在旺角開張時,現任警察公共關係科總警司謝振中亦獲邀出席,小環夫婦當時亦跟謝Sir合照留念,照片惹來熱議。昨晚渣哥在facebook回應此事,並強調是「光明磊落」:「今(昨)日有好朋友Send左(咗)呢幅相俾(畀)我,說有些人正在網上評論,佢好意提點我不如講解一下,以釋疑慮。

1. 相中人確實曾經係我一位好好朋友,但由6月至今,未再有任何聯絡。

2. 大家身分不同,睇法不同,導致立場不同,在自由社會,各自有權自由選擇自己的路。道不同不相為謀。

3. 照片係2017年旺角渣哥開幕時攝,一直放在渣哥Facebook內。

4. 我光明磊落,所以至今一直無Delete啲相 ,亦真係唔覺得有此需要。

5. 我更曾經係國際警察協會香港分會既(嘅)名譽會長,但在多年前已辭掉,所以之前我確實認識很多警察。

6. 想坦白講,渣哥並非小混混,事業早就略有所成,亦認識很多人,例如30年前民主歌聲獻中華,台上很多我都認識,30年後今天,錯可以算成是我嘛?

7. 今日見到有人留言,說了一些難聽說話,我無嬲,只係有點失望。

最後我想講,我曾經講過我痛心疾首,大家依家或者會更加明白,我,或者比很多痛心疾首的人更加痛心疾首!」

(即時娛樂)