【梁舜燕設靈】無綫劇照作遺照 家屬揀至愛百合花送別 (18:53)

文章日期:2019年09月05日

【今日直擊】「上等人」梁舜燕(原名梁淑貞)(Lily姐)上月13日病逝,享年90歲,今日於紅磡世界殯儀館設靈。Lily姐一對男孫阮浩棕和阮浩鋒代表家屬接受訪問:「辛苦各位傳媒朋友,今日是嫲嫲梁舜燕女士的哀悼儀式,今日是以天主教儀式進行,嫲嫲一生好精彩,好多朋友,今日好多朋友送上花牌花籃,在此代表屋企人同大家講聲有心。(靈堂擺百合花有特別意思?)有,屋企人特意在靈堂擺些Lily(指百合花),因為她真的喜歡百合這隻花,當然有夾雜不同花,但一定有少少Lily。」

「遺照方面其實無特別安排,純粹搵張嫲嫲最靚的相出來,因為大家都知嫲嫲好貪靚,今次張相是問了TVB的,搵了一張劇照去做,在此亦特別多謝TVB。(是哪齣劇的劇照?)是《黃金有罪》,未播出的,所以特別多謝TVB安排,容許嫲嫲用張咁靚的相﹗」孫仔稱嫲嫲講過一生無憾,在病牀上曾經講過希望出來再繼續拍劇,可惜事與願違,並透露嫲嫲會跟爺爺在香港合葬。

相關新聞:「上等人」梁舜燕設靈 契仔李克勤送花圈悼念

(即時娛樂)