睇音樂劇期待吳鎮宇唱歌演出 蘇永康:不多不少恰到好處 (18:45)

文章日期:2019年09月08日

吳鎮宇、王菀之及袁富華合作演出13場港版百老匯愛情音樂喜劇《First Date》,演出至今獲不少圈中人捧場,今日前往睇騷的包括蘇永康及早前在中山遇襲受傷、現在還未康復的任達華。蘇永康到後台跟幾位演員合照,他把照片上載到社交網,並留言:「其實我係抱住好高嘅標準去睇呢套歌舞劇First Date,因為王菀之係我認識嘅第二個華人女性表演藝術家(上一個係陳潔儀)。當然更令我感興趣嘅係吳鎮宇唱歌,坦白講係冇得品評好與唔好!多年前我與張學友討論過梁朝偉唱歌方式,我地(咃)兩個根本就做唔到. 表演工作者只要你稍有一點技巧你就會嘗試去show俾(畀)觀眾睇,偉仔根本無理何謂技巧只係用心用感情去唱好首歌,他對音樂的態度多年如是. 這夜鎮宇及袁富華老師也做了非常優秀的示範. 歌唱技巧已拋諸腦後純用感情及演技去處理唱的部份(分). 不多不少恰到好處,加上王宛(菀)芝(之),我只能說這是我今年看過最好的Show of the year, Dear Ivana再次恭喜您@wongyuenb」

(即時娛樂)