【男友視覺?】36歲蔡卓妍實現兒時夢想 飛去希臘扮女神 (12:32)

文章日期:2019年09月09日

36歲蔡卓妍(阿Sa)完成舞台劇《情敵勸退師》後,近日去了希臘旅行散心,並穿上白色裙扮女神,在古蹟前留倩影,聲稱這是她的兒時夢想,叫大家不要笑她。好友容祖兒笑阿Sa是「鐘麗緹」,而鄭希怡大讚她是女神,不過見阿Sa笑得好開心,莫非這輯相是男友石恆聰影。

蔡卓妍開心在網上留言:「細細個媽咪最鐘(鍾)意同我講希臘神話故事 印象最深刻就係Aaron嘅音樂特輯「希臘驚情」 睇完之後 我仲著住嫲嫲對阿婆拖鞋加毛巾被扮希臘女神 讀中學嘅時候唯一一本令我睇完又睇嘅書就係「The Greek Gods」 所以由細到大一直最最最最想去嘅地方就係希臘 好想親眼望吓Parthenon 好想遊歷所有嘅古蹟 好想感受吓古希臘文明 同埋 好想著條白色”女神”裙懶靚咁影張相 (唔好笑我 兒時夢想吖嘛) #雖然長途跋涉加時差有啲攰 #但見到嗰一刻真係好震撼 #雖然經歷過幾次戰火洗禮 #依然係咁靚咁宏偉 #仲有bonus無敵日落」

(即時娛樂)